FANDOM


jan Ewi Peseli

jan Ewi Aon Peseli li jan pi kalama musi en sitelen tawa tan ma Amelika. ona li kama lon tenpo sike suno nanpa 1935 li moli tan pakala pilin lon tenpo sike suno nanpa 1977.

jan Ewi lili Edit

mama pi jan Ewi li jan pi mani lili. ona mute li lon ma tomo Tupelo. mama mije sona li tan ma Sukosi. mama meli sona li tan ma Amelika.

jan Ewi lili li olin mute e mama ona. mama pi jan Ewi li jan nasin sewi li tawa ma nasin sewi lon tenpo ale. jan Ewi lili li kama sona e kalama musi lon ma nasin sewi.

tenpo sike suno nanpa luka tu wan pi jan Ewi, la mama li pana tawa jan Ewi e ilo kalama musi lili. jan Ewi lili li musi mute kepeken ilo kalama musi.

ma tomo mama li ike tawa mama. tan ni ona ale li tawa ma tomo Menpi.

jan Ewi li kama suli Edit

tenpo ni: jan Ewi li kama sona lon ma sona, la ona li kute e kalama musi pi jan pimeja li tawa kulupu pi jan pimeja. ni li ike tawa jan mute tan ni: jan walo en jan pimeja li awen tu lon Amelika lon tenpo ni.

jan sona lawa li toki tawa jan Ewi e ni: jan Ewi li ken ala kalama musi. taso jan Ewi li kalama musi lon kalama musi utala pi jan pi kama sona. jan Ewi li utala pona.

jan pi kalama musi Edit

Elvis Presley Jailhouse Rock2

jan Ewi li tawa musi nasa

jan Ewi li kalama musi kepeken toki kalama en ilo kalama musi pi poki linja. kalama musi ona li pona tawa jan pi mute suli. jan mute pi kalama musi li sona e kalama musi pi jan Ewi li musi sama. kalama musi pi jan Ewi li kama e kalama musi nimi kiwen. sike pi kalama musi li kama e mani mute. tan ni ale, jan mute li nimi e ona sama ni: "jan lawa pi kalama musi kiwen".

jan Ewi li kalama musi, la ona li tawa musi sama ni: ona li tawa sike e poka li tawa nasa e noka. ni li pona tawa jan pi mute suli. taso ni li ike tawa jan ijo tan ni: ona li sama unpa.

len musi pi jan Ewi li lukin kule en nasa. linja lawa ona li lukin nasa sin. ni li pona tawa jan pi mute suli. taso ni li ike tawa jan ijo. ona li toki e ni: jan Ewi li nasa ike e jan lili.

jan pi sitelen tawa Edit

King Creole 1958 (Elvis Presley and Dolores Hart)

jan Ewi lon sitelen tawa

ni li pona tawa jan lawa pi sitelen tawa: kalama musi pi Jan Ewi li tawa jan mute. sitelen tawa pi jan Ewi li ken pali e mani mute. ona mute li toki tawa jan Ewi e ni: o kalama musi lon sitelen tawa. jan Ewi li kama jan pi sitelen tawa li pona tawa jan mute.

jan lawa mute Amelika li pilin e ni: wawa pi jan Ewi li suli. Tan ni, jan Ewi li toki lon sitelen tawa e ni: Amelika li pona li suli.

pini Edit

800px-Elvis grave Graceland

kiwen moli pi jan Ewi

jan Ewi li jan pi mani mute. ona en meli ona li lon tomo suli. jan Ewi li tawa tomo telo, taso li kama ala. meli pi jan Ewi li tawa tomo telo li lukin e ni: jan Ewi li moli. jan pi pona sijelo li toki e ni: jan Ewi li moli tan pakala pilin.

jan Ewi li moli ala moli? Edit

jan ijo li pilin e ni: jan Ewi li moli ala, taso li lon ma pi sona ala. jan ijo li toki e ni: mi lukin e jan Ewi! jan mute li pilin e ni: toki ni li nasa.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.