Fandom

Wikipesija

jan mute pi ike sijelo tan telo nasa pi ala nimi

541pages on
this wiki
Add New Page
Talk0 Share

jan mute pi ike sijelo tan telo nasa pi nimi ala li kulupu ilo tawa moku ala pi telo nasa. jan "Bill W" en jan pi pona sijelo "Bob" li open e kulupu ni. ona tu li pali e nasin tawa ni: jan li moku ala e telo nasa li wile ala moku e ni li kama sona e nasin sin. nimi pi nasin ni li nasin pi tawa mute.

nasin pi tawa mute

  1. mi mute li kama sona e ni: mi mute li jo e wawa ala tawa ni: mi mute li utala e telo nasa. mi mute li kama sona e ni kin: mi mute li ken ala lawa e ali.
  2. mi mute li kama sona e ni: ijo suli li ken pona e lawa pi mi mute lili.
  3. mi mute li kama wile e ni: jan sewi pi mi mute li kama lawa e ali pi mi mute.
  4. mi mute li pilin ike ala li pali e sitelen tawa ni: mi mute li lukin e mi mute.
  5. mi mute li toki tawa jan sewi li toki tawa mi mute li toki tawa jan pi sama ala e ma pi ijo ike pi mi mute.
  6. mi mute li wile e ni: jan sewi li pona e ijo ike ali ni.
  7. mi mute li toki tawa jan sewi e ni: o pona e ijo ike pi mi mute.
  8. mi mute li pali e sitelen pi jan mute li kama wile pona e ni: tenpo pini la mi mute li pali ike tawa jan ni.
  9. mi mute li pona tawa jan ni ali li ike ala tawa jan ni ali.
  10. mi mute li pali kin e sitelen pi mi mute. mi mute li ike la mi mute li toki e ni.
  11. mi mute li toki sewi li pilin sewi tawa kama sona e jan sewi pi mi mute. mi mute li toki tawa jan sewi e ni taso: mi mute o kama sona e wile pi jan sewi o kama ken pali e ni.
  12. mi mute li lon tan nasin ni la mi mute li wile pana e nasin tawa jan mute pi ike sijelo tan telo nasa la mi mute li wile pali e nasin ni tawa ali.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.