FANDOM


sitelenmakinla

ni li sitelen lawa pi ma Kinla

ma Kinla li ma li lon ma Piten. jan pi ma Kinla li toki e toki Inli e toki Kinla. toki Inli la, nimi ona li Wales. toki Kinla la, nimi ona li Cymru.

sona maEdit

ma Kinla li jo e nena mute.

ma tomo lawa pi ma Kinla li ma tomo Kasi.

ma Kinla li poka e ma Inli e telo suli. nena pi jan lawa Opa li weka e ma Kinla tan ma Inli.

telo li tawa anpa mute tan sewi lon ma Kinla. ma Kinla li jo e kasi mute tan ni.

tenpo piniEdit

tenpo pini mute mute la, jan mute li tawa ma Piten. nimi pi ona mute li Keli. mi mute li sona e ijo mute ala pi ni tan ni: ona li ken ala toki awen. tenpo li tawa. jan pi ma Loma li kama lawa e ma Piten e jan mute Keli. ona li pana e sona pi toki awen e sona ante mute tawa jan mute Keli. taso, jan li pakala e ma Loma la, jan pi ma Loma li tawa weka ma Piten. jan pi ma Loma li lon ala la, jan pi ma Piten li wawa ala. jan li kama tan ma Tosi li utala e jan mute Keli li awen lon ma Piten. tenpo tawa la, ona li kama jo e nimi Inli. jan mute Keli li tawa weka e jan mute Inli li tawa ma nena pi ma Piten seli. ma nena ni en jan pi ma li kama jo e nimi Kinla.

tenpo mute li tawa. jan pi ma Inli li utala mute e jan pi ma Kinla. tenpo li tawa. jan lawa Etuwa Wan pi ma Inli li utala e jan lawa Liwelin Pini pi ma Kinla li kama lawa e ma Kinla. jan lawa Etuwa li pali pali e tomo utala suli mute tawa ni: ona li lawa e jan pi ma Kinla. tenpo ni la, sina ken lukin e tomo utala suli mute lon ma Kinla.

taso, jan pi ma Kinla li pilin pona ala tan ni: ma Inli li lawa e ma Kinla. ona li utala. jan pi ma Kinla li utala e jan pi ma Inli la, jan Owen Kentu li lawa e ona. tenpo lili la, ona li kama lawa e ma Kinla. taso, tenpo sin la, jan pi ma Inli li kama lawa e ma Kinla. jan pi ma Inli li pali e ni: ma Kinla li kama wan poka ma Inli. ona li pali e ni: jan pi ma Kinla li toki e toki Inli.

tenpo niEdit

janRhodriMorgan

jan lawa pi ma Kinla

tenpo ni la ma Kinla li ma awen pona lon ma Piten. ma Kinla li jo e tomo pi jan lawa lon ma tomo Kasi. toki Inla la, nimi ona li National Assembly for Wales. toki Kinla la, nimi ona li Cynulliad Cenedlaethol Cymru. tenpo ni la jan lawa pi ma Kinla li nimi Rhodri Morgan.

tenpo pini mute la jan ale lon ma Kinla li toki e toki Kinla. tenpo pini mute lili la jan mute lili li toki e ona. jan lawa tenpo pini pi ma Piten nimi Margaret Thatcher kin li kama sitelen e nasin kulupu pi toki Kinla. tenpo ni la jan lawa pi ma Piten en pi ma Kinla li suli kin e nanpa pi jan toki Kinla.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.