FANDOM


Türkiye Cumhuriyeti
ma Tuki
Flag of Turkey svg CoatofArmsTurkey svg
toki (Motto): "Yurtta Barış, Dünyada Barış" "pona lon ma pi mi mute. pona lon ma ali."
kalama musi lawa: İstiklâl Marşı
250px-Europe location TUR2
ma tomo lawa ma tomo Ankara
ma tomo suli
ma tomo Istanbul
toki lawa
toki Tuki
mani
Yeni Türk Lirası

ma Tuki li lon ma suli Elopa li lon ma suli Asija. ma Tuki li poka ma Pokasi li poka ma Elena li poka ma Katelo li poka ma Aja li poka ma Ilan li poka ma Azerbaijan li poka ma Ilakija li poka ma Sulija.

tenpo pini la kulupu jan mute li lawa e ma Tuki. kulupu ni li kulupu Aja li kulupu Byzantine li kulupu Seljuk li kulupu Ottoman.

nimiEdit

nimi pi ma Tuki lon toki Tuki li Türkiye. nimi ni li nimi tu. nimi nanpa wan li Türk. Türk kepeken toki Tuki pi tenpo pini li "wawa" li "jan Tuki." nimi nanpa tu li -iye li "jo."

tenpo piniEdit

200px-Troy1

sinpin kiwen pi ma tomo Troy

tenpo mute la jan li lon ma Tuki. ma tomo pi tenpo mute li ma tomo Çatalhöyük li ma tomo Çayönü li ma tomo Nevali Cori li ma tomo Hacilar li ma tomo Göbekli Tepe li ma tomo Mersin li ma tomo Troy.

kulupu jan suli nanpa wan lon ma Tuki li kulupu Hittite. kulupu jan suli nanpa tu lon ma Tuki li kulupu Phrygia. tenpo ante la kulupu jan lon ma Tuki li jan Cimmerian. jan Cimmerian li pakala e kulupu Phrygia. kulupu lawa ante lon ma Tuki pi tenpo pini li kulupu Lydia li kulupu Caria li kulupu Lycia.

ma ante lon ma Tuki pi tenpo pini li ma Ionia. ma Ionia li ma pi jan Ionia.

tenpo ante la kulupu jan Achaemenid li anpa e ma Tuki. tenpo ante la jan lawa Alexander suli li anpa e ma Tuki. tenpo ante la ma Tuki li tu li ma Bithynia li ma Cappadocia li ma Pergamum li ma Pontus. tenpo ante la kulupu jan Loma li anpa e ma mute ni. tenpo ante la jan lawa Constantine li kama e ni: ma tomo Byzantium li ma tomo lawa pi ma Loma. jan Constantine li ante e nimi pi ma tomo Byzantium. nimi sin pi ma tomo Byzantium li ma tomo Constantinople (tenpo ni la ma tomo Constantinople li jo e nimi sin. nimi ni li ma tomo Istanbul). tenpo ante la kulupu lawa Loma li tu li kulupu lawa Loma li kulupu lawa Byzantine. ma tomo Constantinople li ma tomo lawa pi kulupu lawa Byzantine.

tenpo ante la jan Tuki li anpa e kulupu jan Byzantine. jan Tuki li kama e kulupu jan Seljuk. taso tenpo ali la kulupu jan Seljuk li lon ala. tenpo ante la jan Mongol li kama e ma Tuki li anpa e kulupu Seljuk. tenpo ante la jan lawa Osman nanpa wan li wan e ma ali pi jan Tuki. ona li kama kulupu jan Ottoman.

tenpo pi utala suli nanpa wan la ma Kanse en ma Losi en ma Piten en ma Italija en ma Mewika li pakala e kulupu jan Ottoman. tenpo ante la kulupu jan Tuki li kama lon. ma tomo lawa ona li ma tomo Ankara.

jan pona en jan ike pi ma TukiEdit

280px-Roosevelt Inonu Churchill

jan Roosevelt en jan İnönü en jan Churchill li poka li toki.

jan pona mute pi ma Tuki li lon kulupu NATO en kulupu European Union.

tenpo pini la ma Elena li ike tawa ma Tuki. taso tenpo ni la ona li pona tawa ma Tuki.

tenpo pini en tenpo ni la ma Armenia li ike tawa ma Tuki tan ni: tenpo pini la kulupu Ottoman li pakala e jan Armenia lon ma Tuki. tenpo ni la kulupu jan pi ma Tuki li toki e ni: tenpo pini la jan Aja lon ma Tuki li moli. taso moli ona li kama ala tan kulupu Ottoman. toki ni li ike tawa jan Aja. tenpo ni la ma Azerbaijan li pona tawa ma Tuki. taso ma Azerbaijan li ike tawa ma Aja. tan ni la jan Tuki en jan Aja li jan pona ala.

lukin en pilinEdit

275px-Hillside 2

ma tomo Fethiye lon poka telo suli Mediterranean

ma Tuki li suli sama ma Sile anu ma Tesa.

telo suli mute li lon poka ma Tuki. telo suli ni li telo suli Aegean li telo suli Pimeja li telo suli Mediterranean. telo suli Marmara li lon insa ma Tuki.

tenpo la ma li tawa lon ma Tuki. tawa ma li pakala e jan e tomo.

tenpo la ma Tuki li seli. tenpo seli la telo mute li lon ala. tenpo la ma Tuki li lete. tenpo lete la telo mute li lon. seli mute en lete mute li lon insa pi ma Tuki. seli lili en lete lili li lon selo pi ma Tuki.

paliEdit

140px-TurkishYTL

mani Tuki

jan Tuki li kama jo e mani kepeken nasin ni: jan Tuki li pali e moku lon ma. jan Tuki li pali e ijo ante. jan ante li kama tawa ma Tuki li pana e mani ona tawa jan Tuki.

janEdit

jan mute li lon ma Tuki. tenpo mute la jan Tuki li lon. jan lili li tawa tomo sona. jan mute li ken sona kepeken lipu sitelen.

jan mute pi ma Tuki li jan Tuki. taso jan ali pi ma Tuki li jan Tuki ala. jan Kurd en jan Circassian en jan Roma en jan Alapi en jan Elena en jan Aja en jan Juta li lon ma Tuki.

toki Tuki li toki lawa pi ma Tuki. taso jan li toki kepeken toki Alapi en toki Posan en toki Circassian en toki Kurd en toki Ladino kin lon ma Tuki.

jan mute mute pi ma Tuki li jan pi nasin sewi Silami. nasin sewi lili pi ma Tuki li nasin sewi Orthodox Elena li nasin sewi Apostolic Armenian li nasin sewi Syrian Orthodox li nasin sewi Juta li nasin sewi Yazidi. nasin Atheism kin li lon ma Tuki.

musiEdit

jan Tuki li pali e kalama musi e lipu sitelen. jan Orhan Pamuk li pali e lipu sitelen pona.

tomo Tuki li pona lukin li tomo Byzantine li tomo Ottoman. tomo Tuki ante li lukin sama tomo pi ma ante.

musi sike noka li pona mute tawa jan Tuki mute. musi Basketball en musi Auto Racing li pona lili tawa jan Tuki. musi pi tenpo Ottoman lon ma Tuki li musi Yağlı Güreş (musi utala).

lipu anteEdit


Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.