tenpo pini

From Wikipesija

tenpo pini li sona pi tenpo pini. jan sona pi tenpo pini li kama sona e tenpo pini kepeken nasin mute ni: ona li lukin e lipu sitelen. ona li kute e toki pi jan ante. ona li lukin e ijo pi tenpo ni. tenpo mute la lipu sitelen li suli tawa jan sona. tasa tenpo ali la sitelen li lon ala. tan ni la jan sona li lukin e ijo ante.

jan Herodotus pi ma tomo Halicarnassus li jo e nimi ni: "mama pi tenpo pini." taso jan poka ona Thucydides li kama e ni: jan sona li wile kama sona e tenpo pini la ona li lukin tawa jan. tenpo ante la jan sona li pilin e ni: jan sewi li kama e ijo. taso jan Thucydides li pilin e ni: ijo jan li kama tan jan.

jan Augustine pi ma tomo Hippo li jan sona suli. taso ona li pilin e ni: jan li wile kama sona e tenpo pini la ona li wile lukin e lipu sewi. jan Georg Wilhelm Friedrich Hegel pi ma Tosi li pilin e ni: jan li wile kama sona e tenpo pini la ona li wile lukin e ijo jan.